同時進行的國際米蘭迎戰羅馬，國米一贏即捧盃，不做頭條全因戰局較難預測。考慮到國米具主場篤定封王的意慾，1.8倍主W諗得過，搞掂大家提早「收工」！（球賽編號：星期三3；有線62台今日11:30pm直播）
認真對待贏波唔難
國米封王只不過是時間問題，亦令這場榜首戰的大戰氣氛大減。國際米蘭連續兩仗和波，擺到明因為「大把喺手」。若看過國米周日對巴勒莫，必定同意國米兵上半場完全「遊魂」，但下半場「㩒掣」後即踢回應有水準，憑兩次簡單直接的組織保和局，繼續其意甲不敗之旅；只要今仗發揮那場下半場的水準，對羅馬贏波在望。
值得留意去仗後備上陣的伊巴謙莫域可望復任正選，由他夥拍阿祖安奴攻堅，進攻發揮都會較佳；因此，就算基斯普因傷缺陣，影響亦不見太大。
羅馬客場戰績難靠
羅馬去仗大勝森多利亞4蛋，旨在掃歐聯大敗於曼聯的烏氣；今仗作客聖西路恐怕沒同樣的氣勢。事實上，羅馬在07年離開主場出戰聯賽7次，只得1勝，戰績委實難靠。中場主將泰廸今仗亦仍因傷上陣成疑，即使勉強上陣也難踢出佳作。
種種迹象顯示，今仗國際米蘭可以贏波，為今季形勢早定的意甲聯爭標故事畫上句號。國際米蘭今季其中兩場重要戰役，包括作客贏巴勒莫以及「主場」對AC米蘭都贏2:1，今次就取這個波膽。
藍鑽石
貼士
星期三3
國際米蘭vs羅馬
盤口：國際米蘭[-1]
半全場：主/主
讓球主客和：D和局
2:1