現效力阿根廷學生隊嘅華朗，原本周三可以近4年嚟首次入選國家隊打智利，點知周一因傷白白錯過上陣機會。其實國家隊教練巴斯利今次選晒國內年輕球員，仲講到明由華朗擔任隊長，擺明係想償對方心願，喺主場威番吓。華朗回流後表現出色，帶領球隊奪得06年阿根廷聯賽冠軍，又唔使怕下次冇機會再入選國家隊嘅。