歌劇是我頭號至愛，一齣《歌聲魅影》香港睇、外國睇、電影版都睇，真係乜汁都撈已看了不下10次。香港電台第四台的「大都會歌劇系列」，就於今日晚上8時轉播剛於4月14日在世界三大歌劇院之一──紐約大都會歌劇院上演的《杜蘭朵》（Turandot），整齣歌劇都是來自大都會歌劇院的現場錄音，簡直是新鮮空運，唔使錢兼安坐家中就可欣賞殿堂級聲演，今晚真係打死都唔出街。
《杜蘭朵》是浦契尼所寫最後一部歌劇，亦是繼《蝴蝶夫人》後再次以亞洲作歌劇背景。歌劇取材自《一千零一夜》，由格魯芭（AndreaGruber）飾演刁蠻中國公主杜蘭朵，設下3個謎語招親，猜錯者便會處死，卻遇上智慧過人的韃靼王子反設謎題，一輪錯摸，答案竟是一個「愛」字。
時間：4月17日
晚上8至11時
頻道：香港電台第四台轉播
悠娛思
文靜卻不內向，不但有藝術家氣質也具藝術家脾氣。