「女為悅己者容」，自從女星吳文忻於今年初在南韓高調整容，並「凱旋而歸」後，本港悄然興起一股整容風潮，女孩子透過整容「執靚個樣」自此不再是禁忌，網友Betty近日甚至在she.com問：「有冇人有興趣一齊去台灣整容？我想抽脂同去眼袋，諗住去台北XX，喺嗰邊都幾出名，有冇人知道？」
網友Jamie首先回應：「有呀，我幾個月前去過台北呢間XX睇過，鬼死咁多人。咁啱畀我遇到一個由香港來整鼻嘅女仔，我覺得整得幾好（可能佢本身都ok靚），我問過整鼻NT38,000（約9,000港元），雙眼皮NT25,000（約6,000港元），唔知有冇其他人去過，聽到啲乜嘢負面意見呢？」
「想整鼻樑割雙眼皮」
Betty接着說：「哦？聽你咁講都幾ok喎間嘢，你想整咩呀？要幾多日先夠呢？不過我下半身抽脂，做咗都唔多覺㗎啦，其實我想抽臉（脂肪）的，哈哈……」Jamie聽後立刻告誡指出「抽脂好危險㗎，會死人！唔好試啦！我想整鼻樑同割雙眼皮，如果以我想整嘅嘢呢，7日就可以等傷口埋口同覆診，我上次撞到嗰個香港女仔，佢總共留了11日先返香港。」
指台灣整容經驗豐富
一心打算今年在本港做整容手術的lazymama不明白為何不在香港做這些手術，Betty坦言自己選擇去台灣做整容手術，並非因為那邊的價錢較便宜，而是因為覺得那邊醫生的經驗肯定要比香港的豐富。聽了上述討論，網友Minnie都「心郁郁」想去做割雙眼皮手術，但她本身的國語不靈光，正為如何預約手術的具體安排而苦惱。
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：[email protected]