意大利聯賽冠軍，大家都會認為一定係國際米蘭，AC、費倫天拿同拉素被扣分，聯賽未打已經知到邊隊冠軍，一個已知結果嘅聯賽，就好似特首選舉一樣，完全係冇競爭、冇意義！國米同羅馬穩奪下屆歐聯參賽資格，至於拉素唔係十拿九穩，所以，今次對住基爾禾，當然要全取3分啦！
意大利假波會唔會復活呢？AC𠵱家上緊嚟，我估，意大利嘅奇怪賽果，係會繼續出現，AC亦可打歐聯外圍賽，所以，AC作客可以贏阿斯科利！如果有地下秩序，其實分豬肉分得好好?！打歐聯永遠都係AC、國米、羅馬同祖雲達斯。不過，今年祖記無份，多咗個位！又如無意外，應該係輪到拉素打歐聯，按呢個遊戲規則玩，上場作客和波嘅拉素今晚必勝，仲可能繼續開「大」！
至於英超，處於生死關頭嘅韋斯咸主場戰車路士，應該可以迫到車仔出真功夫，我諗都係一球上落兼開「大」呀！西班牙盃，西維爾只要肯發力，縱作客亦可贏拉科魯尼亞！
周鵬
商業1台《球迷集中贏》主持
電郵：[email protected]