ALPHARD喺七人車中，算係長賣長有嘅紅牌，剛到港新版更加入特大天窗、雙按摩椅等享受型裝備，美其名RebLabel全因座椅全鋪勞斯萊斯設計，米白皮再車紅線，Sharp到爆！加埋3.0版本出名好力，負重起圍有爆炸力，簡直由坐到揸都似咬蘋果咁爽！
文：Monaco
攝影：陳陶鈞
模特兒：Coie@UMOVIE
如非追求性能表現，一般人買車不外乎求慳油代步，要不然就要買體積龐大高載量的MPV，抱着一車可載舉家大小，更可多添行李數件心態。現今社會小家庭為主，試問一星期有多少日子可以全車滿人滿貨？要載量之餘又要更廣闊空間感，更要擁有更多周邊設備……
特大天窗加電動按摩
熱賣如這部ALPHARD，車廂空間特大，RedLabel版本更有多項增值設備，皮革座椅參考勞斯萊斯轎車設計，純白皮革車紅線極之搶眼悅目，不過，日後定要小心打理，須要細心車主及負責乘客特別照顧。車廂最精采係中排座位，連腳踏可多角度調校角度，或坐或卧，附設電動按摩，「唔使問，中間嗰兩個就梗係電動按摩椅個遙控，可隨意控制力水吖！」Coie不但搶白介紹，更比一眾大男人快一步，一躍而上，實行美女試坐，霸咗先講！坐好連腳踏伸直半卧，一按開關，到底感覺好何？只見小妮子閉目享受，流露愉悅之色，舒適感覺不言而喻。
頂上一個天窗，比一般原裝ALPHARD更大，吸納自然光線之餘，又可以導入車廂更多生風。當需要更多私隱時，中後排車窗有獨立電動遮簾，一按張開夠方便。
最緊要夠定
3.0V6偈絕對好力，加上5前速自動波箱，絕對有豐碩低轉扭力輸出，波箱反應聰明又敏捷，起圍作出爆發式取向實不難，即使附載超過1,900kg，整體表現仍見靈活。「嘻……呢啲車唔講操控表現，最忌快開，坐得舒舒服就得啦！」要講的，Coie一字不漏道出。ALPHARD車身雖然高，但出彎入彎仍穩定暢順，行車較快時，惟最後排乘客要忍受顛沛，總之過天橋駁口、凹凸渠蓋，不會驚嚇外母同細路就對了。在引擎高轉下，享有最低風噪，不論跑廣東長途，還是市區短途，產生愜意亦不足為奇，未幾，全程表現活躍的Coie已在於按摩椅上，呼呼入睡。
大學生Coie：留番畀老竇
「揸咁大架車，咪搞我！玩吓就好，揸車都係留番畀老竇同車長啦！我都係坐上嚟揸幾轉過吓癮算數。」
職業司機P哥：裝備一味多
當日一齊試車嘅P哥，揸咗搵食車十幾年，試完架RedLabel第一句唔係讚佢馬力大同款靚，反而欣賞內櫳設備一味夠多！「好少七人車咁大個天窗，另外中排兩個位都有按摩同腳墊都較少有，整體畀到人一種豪華舒服感。」
攝記Alex爭試車：幾易睇位喎！
考牌唔夠一年嘅Alex，已經換過兩部Corolla，首度試七人車，感覺係車身高睇位容易，扒頭、攝位順手得多。「以我咁嘅身形嚟講，坐落去都好闊落舒服，唔覺頂頭頂腳。不過Alphard唔多啱我，事關佢冇棍波玩！」
新車快蘋
*仿勞斯萊斯米白皮
配紅線車邊頗有氣派。
*少有特大雙天窗。
*雙按摩椅附獨立遙控。
*後泊鏡頭方便倒車。
TOYOTAALPHARDV63.0（RedLabel）
引擎：2,995c.c.V6DOHC
馬力：220ps/5,800rpm
扭力：31.0kgm/4,400rpm
傳動：5前速自動波，後輪驅動
售價：約$50萬
車輪提供：富利堡汽車（28772899）