史杜捷哥夫當年臨退出國家隊前，某場波失球後指住自己個頭鬧隊友，意思係叫佢哋用腦踢波，結果班後輩越踢越冇信心。藍鑽石對於呢種恃才傲物，唔重視團體精神嘅人從無好感；講真佢係好波，但喺佢嗰代，佢算老幾？我偶像小馬尾勁得多啦！
賭波唔講感情，今晚我睇好由史杜捷哥夫領軍嘅切爾達可以砌低拉科。我信班切爾達球員會爭取表現博新帥好感，而拉科呢隊波不嬲係癲，但應該唔會癲到阻住人護級，平/半盤一於要切爾達上盤。
繼續追拉素對家
另外，藍鑽石話過自己嘅宗旨會繼續對準拉素，上次冇落手，今次就博佢長勝走勢衰響榜尾嗰隊阿斯科利之手，夠戲劇性啩？
讓球：切爾達（上盤）
心得：新官上任切兵搏命
文：藍鑽石
愛意大利波、去意國渡蜜月、囡囡與簡拿華路同日生日。