霍英東孫女霍詠詩之前常被拍得夜蒲去玩，前晚她終正經辦事，與好友為母校國際學校搞慈善時裝騷籌款。霍詠詩自行設計時裝，更披甲上台行騷，行得頭頭是道，可惜壓軸時因裙子太鬆，三次跌帶出醜，不過為慈善，少少瑕疵霍詠詩都不用太介懷啦！
已故全國政協副主席霍英東二房孫女霍詠詩，前晚與觀音兵好友JC為母校香港國際學校搞「InteractCharityFashionShow2007」，由一班國際學校新舊校友行騷，更有歌唱環節等，為多個青年團體籌款。
壓軸出事
霍詠詩前日一早到場準備，她除與連續第四年任搞手的JC、師妹吳靜南（Wynonna）合力設計「JWC」系列外，更親身上陣行騷。她穿上自家的設計，以及連卡佛、Levi's等的服裝，行得十分自信大方，可惜演繹第五套壓軸的SistyrMoon墨綠色吊帶裙時，她肩膊及胸前出現十分突兀的泳衣印，裙子的尺寸又比身材嬌小的霍詠詩大，弄得她一出場就跌帶，要即時用手拉回整理，可惜衣不稱身情況太嚴重，帶子連環跌了三次。
滿意表現
事後霍詠詩自言是首次行騷，她說：「我係第一次行騷，對於自己嘅表現滿意囉！」至於她們設計的新裝，靈感來自Lanvin及Dolce&Gabbana，希望令到穿着者美麗而舒適，她說：「我鍾意優雅嘅設計，同埋喜歡晚裝類型嘅裙。」此時，學校導師見霍詠詩被記者包圍，即出手將她拉走。
採訪：GeneNg
攝影：ChanShunChing
