古語有云：「虎毒不食兒」，何以踏入21世紀的今時今日，居然有人反過來吃「媽媽肉碎麵」呢？網友chang早前在uwants討論區張貼出「媽媽肉碎麵」的照片，並詢問網友，「你會畀邊個食？」網友反應不一，「個名好恐怖，好得人驚，當然唔會食啦！」
「無理由自己食㗎！」儘管「一片孝心」的Wilson開宗明義地表達了立場，但有興趣嚐嚐媽媽肉碎麵的網友也不少，「媽媽麵好食喎，留番畀自己食。」「自己，因為子女一定是化骨龍。」其次是留給爸爸吃，「我留番畀阿爸。」「畀爸爸食。」小龍則稱：「咁搞鬼嘅？我會畀番媽媽食。」GODquick甚至說：「畀賤人食！」
此外，網友Teddy、Kenny等立場一致，「唔食、唔食、唔食！」神田浩介則揶揄稱：「媽媽肉碎麵唔食，咁煲『仔』飯都唔好食喇！」最後，網友Creamy一語道破，媽媽肉碎麵其實並非用媽媽的肉碎製造的，她說：「個牌子叫『媽媽』而已，兩日前我先食過嚟！」