周麗淇（Niki）昨日聯同混血模特兒AnaR.及CaraG.等，於青衣城為「AstroBoy潮服潮展」行騷，Niki穿上風帆質料設計的婚紗壓軸出場，造型誇張兼包到實，成為全場焦點。Niki之後接受司儀森美訪問時，更突然大叫，表示背後的鈕鬆脫。
CaraG.透點疑雲
Niki事後接受訪問時說：「我patpat位兩粒鈕都甩咗，講講吓嘢又甩一粒，所以着呢套衫要斯文啲，喺後台着嘅時候仲跌過落嚟。結婚一生人得一次，婚紗特別啲都好，等我一陣叫設計師幫我整一件先。」有記者笑問Niki會否叫設計師替緋聞男友鄭嘉穎設計一套禮服與她配成一對，她即低頭說：「唔關我事。」
AnaR.穿上藍色外套行騷，首次出場時露出肉色胸圍，再出場時已整理好衣服。至於CaraG.着住白色連身裙出現引來透點疑雲，CaraG.表示自己沒有戴bra，卻否認透點走光。
