「狐」係近日嘅熱門Topic，海洋公園有罕見嘅北極狐睇，娛樂圈又有「狐妮」現身，搞到我日日都攬住啲八卦雜誌送飯。講老實，做得明星當然希望有代表觀眾緣嘅桃花運行，可惜桃花運過強時，就會搞到自己變成蕩女，究竟邊十位女星最有「狐味」呢？
記者：區佩嫦
資料提供：EllaWong（www.ellawong.com）
TOP1&2 下巴尖＋桃花眼狐力十足
下巴尖嘅話睇落瘦啲靚啲，可惜卻非好事。因為古時，下巴尖嘅女人多做「阿二」，喺現代婚姻制度下，注定做二奶和情婦。范冰冰嘅下巴又尖又長，成個公仔咁，喺面相學嚟講，屬淫蕩相，即使初出道時以淑女形象示人，最後也會露出「狐狸」本色。范冰冰和陳法拉均擁有一雙桃花眼，令「狐味」更濃。桃花眼是指睫毛長、眼大兼水汪汪，夠騷味又容易動情，見一個愛一個係家常便飯。
TOP3 面色帶白愛床笫之事
若非患病，面色卻較蒼白，呢類人性觀念較開放，將床笫事視為閒事。若加埋桃花眼、大眼珠的話，做事較衝動，只要鍾意唔會理旁人眼光，爭到底。
TOP4 唇上薄下厚以性出發
上唇主情，下唇主慾，上唇薄下唇厚嘅人較任性，把口啷過油，對性需求亦較大。為滿足性慾，會將貞操放埋一邊，即使結咗婚，都會為性而紅杏出牆。
TOP5 桃花嘴感情用事
桃花嘴是指唇形四正，唇色紅潤，上下唇厚薄均勻，這類人極受異性歡迎。而佢眼珠大，為人感情用事，當遇到個𠱁得佢開心嘅男人，自然會舂個頭埋去。
TOP6 胸部豐滿縱情縱慾
胸大嘅人較愛縱情性慾，為人外向、不拘小節，性經驗豐富，為咗發洩多餘嘅精力，即使結咗婚，都唔會安守本份，好容易招惹有婦之夫，做不倫戀嘅主角。
TOP7 鼻高眉揚愛搶人老公
鼻高眉揚嘅人，心頭高，野心大，最緊要係有鋪「搶嘢癮」，只要係人哋嘅老公或者男友，只要合眼緣就會想盡辦法搶到手為止，以此Showoff自己的「狐味」！
TOP8 水汪汪超級發電廠
水汪汪的眼令人覺得好似「識講嘢」咁，特別吸引異性，喺相學嚟講，有呢種眼相嘅人，屬天生嘅發電廠，喜歡結識異性，以雙眼嚟引誘男人，對感情又唔專一。
TOP9 唇厚無稜角重情慾
唇厚嘅人熱情，一旦愛上對方，必定要追到手為止，更會以性來討好對方。此外，葉璇唇上嘅稜角位不分明，經常會出口傷人，為了所愛與「大婆」嘈到底。
TOP10 彎月眉專勾男人
擁有彎月眉毛嘅人，感情豐富，桃花較重，加上眉尾散嘅話，佢嘅男女關係通常會七國咁亂，容易成為第三者，而且仲一定會將「目標」搶到手先肯罷休。
