蒙嘉慧（YoYo）昨日在鑽石山為「寶寶動物園之王」大賽擔任評判，不少參加比賽的BB打扮成小動物模樣，十分得意，不過蒙嘉慧直言不算太喜歡小朋友，她說：「小朋友兩歲之前就好好玩，兩歲之後就成個小魔怪咁好頑皮，所以我成日都想整喊佢哋。」
「𠵱家未係時候」
談到將來生兒育女，YoYo表示沒有太大期望，她說：「點解要生呀？𠵱家都知自己未係時候，而且呢刻根本就唔係呢樣嘢，我性格係好易擔心好多嘢。」問她是否已與男友鄭伊健有共識？她說：「冇研究！唔需要有共識，生小朋友呢啲嘢係同老公先需要有共識。」對於何定鈞將入主亞視，更有機會向無綫藝員挖角，YoYo說：「我一直喺TVB都好開心，又有好多機會，不過有競爭先會有進步，係件好事。」
採訪、攝影：王崇穎