今年20歲嘅混血索女LeahDizon喺日本人氣爆燈，佢最近更成為樂天新朱古力嘅代言人。前日佢喺千葉球場，主持樂天對西武嘅棒球賽開球禮。 首次投球嘅Leah着上露臍裝熱褲上陣，大受現場男球迷歡迎。喺球賽開始前，樂天嘅領隊仲教Leah投球，結果佢不負所望掟出好球。不過Leah好謙虛咁話當時自己好緊張，所以10分滿分只係畀自己4分喎！