美味炒蜆最怕是吃得滿口泥沙，在Yahoo知識內，不少人教買蜆回家後，除要徹底沖洗外，最好用鹽開清水浸蜆半小時以上，讓蜆有足夠時間吐沙。其中網友666778指：「阿媽話放隻鐵匙羮入水一齊浸，會吐得快啲㗎，我試過，真係好似得喎。」
海鮮業聯合總會主席李彩華直言不理解箇中原理，只知不少海鮮檔主會教顧客用這個方法：「我諗係經驗之談，佢哋教得應該係有用先教，否則啲客返嚟投訴食到一口係沙都冇癮啦！除咗放鐵器之外，有啲會放肥豬肉一齊浸嘅，作用都係一樣，等佢快啲吐沙。」
小心蜆中有「沙包」
他認為，用淡水比用鹽水更能令蜆吐沙，市民在買蜆時亦要留意當中有否俗稱「沙包」的死蜆（只有殼和沙），「記得用筲箕大力沖洗吓，就可以將沙包搖散，否則碟餸入面有一隻係沙包，成碟都唔使食喇。」