最近熱門話題之一，係發哥再做「賭神」，幫梳打埠一間新酒店兼賭場拍廣告，發哥重「立」到個髮型靚一靚。不過小弟一向唔鼓勵大家去梳打埠博殺，過去食吓翅、睇吓show，攞幾百蚊娛樂吓重可以，如果以為可以贏身家，就千祈咪制；你睇吓「朱古力」開咗幾年就翻本，就知賭場殺得幾絕啦！
賭波有時都殺得好絕，上周日西甲尾場，維拉利爾對馬體會，馬體會入嗰球已經夠冇品，12碼又冇判，輸得好寃枉；不過西甲成日都有還債波，維記今日作客基達菲受讓平/半，我就要下盤嘞。
讓球：維拉利爾（下盤）
心得：上仗咁寃枉，今次仲唔攞番？
文：牽牛
精通各種賭法，發覺賭「讓球」先係王道，每日一棍希望有得發。