一向酷愛揸飛機嘅交通銀行副行長葉廸奇，自從由滙豐調任交行，長駐上海後，已經少咗好多機會「過飛機癮」。
早一陣子Dicky（葉嘅洋名）嚟香港開會，華華同佢敍舊，閒談間，佢話最近因利乘便，去珠海參加由交行贊助嘅「珠海航空展」，佢靈機一觸，順便向當地申請，揸住佢停喺香港架私人飛機，由香港飛過去珠海參展，公幹完畢仲獲准喺珠海入面，飛多10幾粒鐘，一嘗久未享受翱翔天際嘅「飛行癮」。
Dicky讀書時已愛上飛機，賓架工作之餘，佢亦參加咗皇家輔助空軍，仲一做幾十年，並成為最後一任皇家輔助空軍司令，因為要調往交行同去內地做嘢，佢喺03年初，只好卸任政府飛行服務隊輔助隊員總指揮一職，但飛行興趣卻絲毫未減。
[email protected]