呢輪AV影音界最大嘅話題之一，就係本地有Blu-ray藍光高清影碟行貨賣，小妺第一時間買番隻睇吓，畫面靚唔在講，有埋中文字幕。不過，心理上總係覺得美版靚啲，即刻請教AVConsultant影音專家AlanLee。佢話，以前美版質素係比港版靚，但係𠵱家Blu-ray影碟，美版同港版冇分別。
𠵱家年代電影公司一口氣推出25齣Blu-ray行貨影碟，噚日同佢哋公關傾開，佢話以美國為例，近期最好賣係《新鐵金剛智破皇家賭場》，推出頭一個禮拜就賣咗逾10萬張。
佢又話想益吓我啲粉絲，只要答中一個問題，將答案連埋呢篇blog嘅正本同聯絡地址、電話，寄去葵涌健康街18號恆亞中心10樓1008至1018室年代電影公司，可以獲贈《新鐵金剛智破皇家賭場》藍光影碟一張。問題係：「《新鐵金剛智破皇家賭場》喺美國推出嘅首個星期，賣咗幾多張？」名額得10個，先到先得。
逢周一至周四刊出