【本報訊】明年北京奧運門票難求，全港唯一奪得奧運金牌的滑浪風帆選手李麗珊及其夫婿黃德森昨表示，若香港滑浪風帆選手順利奪得參賽權，兩人屆時很可能親往現場觀戰，為師弟師妹打氣。至於奧運揭幕禮，「珊珊」夫婦已決定留在香港收看電視的轉播。
韋基舜：年紀大唔去啦
如果有興趣親赴北京觀賞風帆比賽，可以參考曾參加88年及92年奧運的黃德森提供的貼士，一般而言，滑浪風帆比賽會分為四個賽區，大會會安排一隻或四隻觀眾船讓人觀賽，「應留意隻船有幾大、幾高及放邊個位，同埋揸船嗰個都要識睇風向同埋識轉位。」
曾代表香港參加奧運游泳項目的方力申（圖）昨晚表示，由於媽媽是北京人，北京可說是他的半個故鄉，因此特別希望能現場參與北京奧運：「𠵱家盡量度期，就算睇唔到開幕儀式，都希望睇到我最鍾意嘅游泳項目，同埋籃球比賽，我鍾意（籃球國家隊代表）姚明吖嘛！」
至於身兼香港足球總會名譽副會長、香港泰拳理事會永遠榮譽會長，並曾任多屆奧運會主持及旁述員的韋基舜，昨晚被問及會否親赴北京看奧運時語帶失望地說：「冇呀，唔去啦！啲飛難搵吖嘛，最緊要都係睇開幕嘅啫。其他比賽咁多，又咁多場館，要走嚟走去，又迫人，我年紀大，唔去啦。」