韓國男星李準基聽日26歲生日，佢特別提早兩日喺首爾廣雲大學演講廳舉行生日派對，同1,200名嚟自韓國、內地、香港同日本嘅影迷一齊慶祝。當日，基哥仲邀請咗曾與佢合作拍廣告嘅性感女歌手李孝利，以及合演新劇《狗與狼的時間》嘅女星南相美擔任派對嘉賓。雖然星光熠熠，但基哥就以地方淺窄為由拒絕俾韓國傳媒採訪，反而中國東方電視台將會播出派對嘅盛況。