英國兒童故事畫家琵雅翠絲波特（BeatricePotter）被英國傳媒稱為「上世紀嘅JK羅琳」，佢出生喺19世紀末生活優越嘅中產家庭。佢同弟弟唔似其他同齡小朋友咁被送進學校接受統一教育，而係喺保母同家庭教師照顧下閱讀、習畫，屋企仲有個小型動物園。波特小姐嘅父母熱衷藝術，亦給予仔女充份自由同繪畫發展空間，大自然讓佢認識生物妙趣，啓發佢用畫筆記錄花草動物嘅靈感。
自費印書響名聲
長大後波特開始職業插畫師生活，佢仲自創故事變成繪本，自費印刷一批送給朋友，反應唔錯，令佢下定印刷出版嘅決心。實際上，波特小姐筆下嘅比得兔PeterRabbit、刺蝟Mrs.Tiggy-Winkle、鴨子JemimaPuddleduck等，從上個世紀初起，佢嘅繪本故事書就係每個英語國家孩子枕邊玩伴、成年人的童年回憶。