「水陸兩用巴士？入面好豪華！畀我坐吓就好啦！」有網友近日在永遠論壇貼出多幅「水陸兩棲巴士」的照片，照片中的巴士除了在公路上馳騁外，竟然真的「入水能游」，加上車廂陳設豪華，令網友嘖嘖稱奇之餘，紛紛表示希望可以坐一回、豪一次。
「真係型哦！」「yo！超級豪華，好想住，仲可以落水，正！」「𠵱啲都可以叫巴士，不過係水上巴士啫。」網友議論聲中，小魚問：「車費幾多先？由九龍去香港使唔使$50呀？」阿池說：「水陸兩用，裏面又豪華，坐一次一定好貴。」kati稱：「有錢人玩意，都唔係公共㗎啦！」
wsnoopy半信半疑地問：「真的假的？那麼厲害的巴士？」suki則說：「呢架車好似叫流動酒店，喺外國有咗好耐啦！」正所謂「人心不足蛇吞象」，難怪Jason說：「美中不足嘅係唔識飛，有埋就100分啦！」