辦公室pantry（茶水房）的設施及供應的食物、飲品數量和種類，可能是觀察經濟表現的另類指標，經濟好景時，不少公司非常豪爽，茶水房免費供應汽水、果汁、雪糕、薯片等各式零食，有打工仔老闆有英式習慣，所以員工每日也可歎hightea下午茶，感覺高貴。
網民「Samsung」的公司福利好到令其他人流口水，「你哋公司個Pantry有乜嘢食㗎？我公司個有好多嘢食㗎，應有嘅嘢都有，唔應該有嘅嘢都有㗎。」一般茶水房通常只有冷、熱水及茶包等，Samsung的公司連雪糕、薯片等零食也免費供應。
成為公司生意指標
不少網民也希望辦公室的茶水房像便利店般有不同種類零食供應，不過Samsung透露，由於近來公司生意麻麻，行政部正密謀向茶水房開刀，「以後無咁好景嘞，再無機會喺公司任飲任食。」
網友endless_hk慶幸有一個好老闆，她說：「我公司有麵包、花生醬、奶油等等，可以整多士，另外還會買蛋糕點心返嚟食。」原來她的上司在英國長大，「佢好鍾意hightea下午茶，所以我哋都有好多嘢食。」
阿輝則說公司茶水房非但沒有美食，反而有不少鼠輩，「放喺雪櫃入面嘅食物，好快就自動消失，所以無人再買嘢食返公司。」