早排翻睇9年前嘅日劇《GTO》，發現喺戲裏面扮學生嘅窪塚洋介同埋池內博之，都屬於早紅早耷一族；而同樣扮學生、但就成日俾人蝦嘅小栗旬，捱咗好耐先至紅，近排仲喺《花樣男子》系列中擔正做男主角𠻹。9年前睇小栗旬佢成個傻仔咁，估唔到今日做咗型男，真係仔大十八變。
同人唔同命，曼聯嘅「2R」朗尼同基斯坦奴朗拿度一出道就紅，但車路士嘅英格蘭孖寶泰利同林柏特，就捱咗好耐先有今日嘅成就。今晚車仔喺足總盃4強對布力般流浪，一於博佢哋小勝。
讓球主客和：布力般流浪和[+1]
心得：車仔個勢好，值捧！
文：青蛙仔
型人一名，細細個就睇英國、德國波，大個就攻日本波。