上周兩日貼士遭遇滑鐵盧，今周要略為減注出擊，選自己向來主打場次英冠，鎖定一頭一尾球隊，捧伯明翰入球「大」及列斯聯W。
幸好補回一注飛燕諾「大」過關，否則上周準會遇到全軍盡墨！檢討上周得失，個人在下半季有鋪追阿仙奴同飛燕諾嘅情意結，結果屢次焦頭爛額仍執迷不悔，係時候清醒吓，兩隊波今季走晒樣，冇得留戀嘞。
水浸眼眉要贏般尼
言歸正傳，今周重心注碼仍放在戰意十足嘅球隊，輸都甘心，首選剛委任着晒火嘅北愛爾蘭射手大衛希利為新隊長嘅列斯聯，前兩、三仗直播贏普雷斯頓所見，全隊波包括正副領隊韋斯同普耶，為求護級，個個雙眼好似噴火；現排在尾3，今場對手般尼係佢哋餘下4場聯賽中，排名最低，但最無競賽意義嘅一隊（還要對修咸頓、葉士域治同打吡郡），呢場唔攞3分，睇怕都好大機會降班；對手極沉後，突然又獲3連勝差不多宣布護級成功，呢場淨計鬥志亦無得抽。列斯聯季中兩位救兵，較炮嘅阿倫湯臣上場已經復出，加埋長人費奧亦已傷癒候命，單W有1.95倍好抵賭。
伯明翰燕豪芬「大」路格
另一場博伯明翰同修咸頓鬥攻開「大」，前者再唔贏，好大機會排第3踢升班附加賽，而修咸頓上場先勝後敗負新特蘭，𠵱家連爭入前6都有一定難度，兩隊前鋒人才濟濟，無得再和，不如博個1.9倍嘅「大」好過。另一場荷甲直播大戰，中門大開嘅燕豪芬鬥川廸亦係「大」硬格。
重心出擊
主客和
列斯聯勝
蘋果波神
狂迷英國波，尊崇雲格；成與敗，視乎你是否找到真快樂！