對於有精英班小學生持續曠課，有心理學家認為，不排除他是資優兒童，因為自視能力高而不願上課，但家人的「反面」協助令問題惡化。她建議父母聆聽子女的需要，以提供協助。
曾處理過不少曠課個案的兒童心理學家朱嘉麗稱，該學童有明顯的情緒問題，「就算係資優兒童唔想返學，都唔會咁犀利，最多都係話頭痛唔想返，唔會發晒脾氣。」過去也有讀寫障礙或被欺凌的小童不願上學。她建議家長以「蓋印仔」的方法𠱁小朋友上學，「返一日學就畀一個印，儲夠一定數量就帶佢去玩，或者有獎勵。」
教育心理學家鄧澔明博士指出，不願上學是小朋友正常反應，若情況過於頻密，或小朋友對上學有強烈的恐懼，家長便要留意。他不建議家長以物質引誘小朋友上學，「要搞清楚返學係佢嘅責任，當然家長要了解點解佢唔想返，但底線係一定要返學。」
「全家一齊輔導會好啲」
家庭與學校合作事宜委員會主席黃寶財認為，很多學生在小三、四年級開始，因為功課數量及難度增加出現適應問題，建議家長尋求家庭治療師協助，有時可能是一家人有問題：「好似成日迫個仔讀書，令到小朋友唔鍾意返學，所以全家一齊輔導會好啲。」
子女抗拒上學家長怎麼辦？
‧家長對小朋友抗拒上學一事，意見要一致
‧了解子女抗拒原因，但要設下「必須上學」的底線
‧有小朋友為挑戰家長，早上索性不刷牙、不洗面，即使如此，家長應堅持子女上學
‧可用儲印章鼓勵方式，返學一天讓老師蓋一個印，達到一定指標可獲獎賞
資料來源：兒童心理學家朱嘉麗、教育心理學家鄧澔明博士