私人時間減少了、使費是單身的四倍、晚晚「勁煲電話粥」、跟其他朋友疏遠了……這些似曾相識，甚至感同身受的情景，是高登討論區的網友回應「分享拍拖嘅苦況」時吐出來的苦水。網友還說：「受氣、開支大，呢兩樣都玩謝你！」「受氣嘅時候最慘，明明冇做錯嘢都要俾人鬧，仲要唔出得聲，冇得駁嘴。」「佢做錯嘢，你鬧佢，佢喊，你𠱁番佢。」
滿腹牢騷的千層糕說：「講啲唔啱聽嘅說話就鬧鬼你，佢錯又唔認，要人𠱁。好喇，𠱁喇，佢又話無誠意。冇晒時間，又話唔想阻住我讀書，又打電話嚟話好悶，同佢傾一陣ok……fine，傾傾傾……一傾兩粒鐘，我係咁話收線，佢話『你唔錫我喇，電話都唔同我傾』，又係我錯，好嘢！」
搵好伴侶先認識自己
最後，網友無賴皇總結說：「拍咗咁多次拖，先至領悟到無論對方幾索、身材幾好，全部都係過眼雲煙，甚至有人話對方性格幾好，或者幾唔好，亦都唔係擇偶原則。
最緊要就係有共同興趣、共同生活習慣，正如好多賊公賊婆一樣可以愛到天荒愛未老。反之，富家子配富家女亦未必可以白頭到老。所以要搵個好伴侶，首先要認識自己。」