屋企仲未裝「現在」嘅足球台，搞到周中嘅歐聯8強次回合冇得睇，但喺呢個資訊發達嘅年代，只要上到網，就可以睇番啲精華，喺就喺冇咗現場感，不過至少知道發生緊啲乜。
講開資訊，好多人買波時會先睇吓對賽兩隊出場陣容，然後買陣容好啲嗰隊，但有時亦因此而揩嘢，好似上個禮拜場德甲咁，科特布斯有好多個主力唔出得，結果爆冷作客贏法蘭克福3:1。今次逆思考，博連輸3場嘅緬恩斯反底，主場贏𠵱家排榜首兼近乎「夫添」嘅史浩克04。
主客和：緬恩斯勝
心得：唔鍾意齊腳嘅史浩克04
青蛙仔
型人一名，細細個就睇英國、德國波，大個就攻日本波。