波牛從來都給人爛撻撻、粗粗魯魯嘅印象，但我哋都同情心爆燈，內心深處周不時會挫強扶弱，好似𠵱家水深火熱嘅韋斯咸，除咗「畸寶」個著名鎚仔「粉絲」外，我識唔少人都望佢哋奇迹生還！
仲記得鎚仔連贏3場嘅首場對布力般，係由小弟操刀，好彩咁撞中波膽，自己執咗少少，今日「翻啅」我話完全冇主觀感情驅使，你都寸我吹水唔抹嘴啦！鎚仔氣勢幾好，森莫亞、泰維斯鬼打都冇咁精神，但後場硬淨有餘路數未夠嘅毛病始終未解決，幸好只係作客「刀片」錫菲聯，客W再下一城！
主客和：韋斯咸勝
心得：鎚仔鑿刀片，唔使用交剪！
阿呢斯奧
同細哨同月同日生，惟彼腳不同此腳；愛恨分明，靠是但噏搵兩餐。