意大利球迷喺周中總算先苦後甜，但藍鑽石甜都冇甜過，皆因羅馬場慘敗睇晒，到第2晚AC米蘭贏拜仁慕尼黑場波就因為電腦有問題睇唔到，呢樣至最苦！
慶祝囡囡出世7個月
講到睇波，其實睇同賭分得好開，睇唔到唔一定係壞事，好次區區對上兩個禮拜喺度貼中嘅韋斯咸、阿特蘭大、費倫天拿同埋皇家馬德里，多數都唔係直播場次，睇戰果後收錢不失為樂事。
藍鑽石成日同蘋果波神講，喺邊度跌低，就要喺嗰度起番身，復活節推阿仙奴失利，今晚再捧兵工廠，望其砌低保頓。爭「4哥」喎，無理由唔去盡。呢場波大家有得睇，藍鑽石就冇，因為今晚要慶祝囡囡出世7個月，凌晨前應該唔會睇波。
主客和：阿仙奴勝
心得：兵工廠可挫保頓奠定前4
藍鑽石
愛意大利波、去意國渡蜜月、囡囡與簡拿華路同日生日。