最近成日翻聽阿Sa首獨唱版《下一站天后》，有句歌詞「仍然彷似，白活一場」最能形容我嘅心情，因為呢個禮拜成日賭、賭、賭，都唔知自己生活為乜。
好似歐聯買咗華倫西亞平手盤，上半場老虎咁勁，下半場就消極都痺，補時輸埋俾車仔覺得好抵；反而買AC下盤預咗只收半格，點知贏埋拜仁收足，賭波就係咁，點估？講開華倫，畢傑最鍾意嘅西班牙球員就係韋拿，第2最愛就係雷恩斯，今期推介華倫西亞冇咗個「亞」、雷恩斯冇咗個「雷」，加埋就係華倫西恩斯。
讓球：華倫西恩斯（平手）
心得：馬賽得個名，贏到請食狗餅
畢傑
畢傑愛肥仔，所以最愛朗拿度；但更愛賭波，不倒翁最似我。