關楚耀前晚喺尖沙嘴出席牛仔褲品牌活動，以牛仔布設計一樣嘢嚟放上網拍賣，幫兒童癌病基金籌款。日前本報登咗關楚耀同一個女仔嘅親密相，關楚耀話對方係活動公關，識咗成年，佢話：「我知佢將啲相放上blog，可能啲人見到攞嚟報料。」問佢係咪來者不拒任攬，關楚耀話：「我哋OK熟，唔通叫佢唔好咩，都冇乜大不了，影相攬吓好平常。」