山齊士做富咸臨時領隊到季尾，據講只要佢帶領富咸護級成功就可以得到張長期飯票，年薪更高達75萬鎊（約1,150萬港元），係教北愛爾蘭國家隊嘅7倍人工，認真筍。另外，富咸門將訓練員比辛早幾日俾會方炒魷後，估唔到半小時後就得到新上任嘅山齊士挽留，英國《太陽報》話呢份應該係足球史上最快失而復得嘅差事。