今時今日的OL，花得起又懂得花，想享受毋須等埋男友老公，放工約埋同事好姊妹共享美酒佳餚與Girlstalk，驕貴又窩心。嫌SOHO太炫目、酒店太拘束，不少識食識歎的OL近日移師至中環歌賦街一帶的NOHO區，歎吓近千元FineDining，順道享受該區淡雅閒適的氣氛，為一天辛勞畫上優雅句號。各姊妹齊來一場NOHO盛宴。
記者：劉嘉蕙
攝影：陳陶鈞
Model：Heidi、Vicky
1ChezPatrick 鵝肝三食冷熱味濃
ChezPatrick隱藏於嘉咸街舊街市中間，去年7月開張，本月底灣仔星街又開分店，證明實力非凡。
老闆兼餐廳總廚Patrick去年離開亞畢諾道的ChezMoi自立門戶，希望讓客人在一個Cozy的環境下享受精緻法國菜。店內堅持唔做套餐，1人晚餐最低消費$499/3道菜，最多可點$699/5道菜，Patrick仲話店內多靚酒，由於親自取貨，價錢比出面平幾成。但千祈咪諗住兩個人Share一個餐咁失禮呀！
FoieGrasTrio（鵝肝拼盤）
鵝肝三食，長方形的GooseLiverTerrine釀有無花果，另外冷熱鵝肝Puff淋上熱朱古力醬，凍版恍如鵝肝雪糕，冰涼中慢慢滲出橙味，熱食則更顯鵝肝濃郁，略帶酒香。Patrick講笑話佢將頭盤當甜品整，一碟三小塊鵝肝，開出一個五味紛陳，複雜滋味難以三言兩語講解。
RoastPigeon（烤乳鴿）
烤乳鴿嫩肉通紅，配上紅酒混合黑松露菌煮的汁，咬落口有溫柔的感動，肉汁濃香中帶微微刺激。伴碟之Cake餡料為鴿肝及內臟，Patrick指將乳鴿由外食到內，加倍呈現原始真味道。
TarteTATIN（法式蘋果批）
Patrick話美食之道在於營造對比，所以這道法式蘋果批加呍呢拿雪糕就是冷與熱、軟同脆的對比。值得一提店內食物份量不小，食客味覺與腸胃同樣滿足。
地址：中環卑利街26號地下（25411401）
營業時間：星期一至六12nn-2:30pm、6:30pm-11pm
網址:www.chezpatrick.hk
2Palate 整菜玩藝術
屬姊弟檔的新餐廳，以創意新派西餐攻佔客人味蕾（Palate解作味蕾）。家姐Karen說，Palate走年輕活力路線，夥計大部份二十幾歲，開張兩個多月，開拓Brunch市場，大賣Cocktail，更準備染指下午茶時段，是歌賦街最勤力的餐廳！
SayoriCevicheSaladInCitrusHoneyVinegrette（針魚沙律）$69
喜歡煙三文魚的讀者可以試這道沙律，針魚以醋及檸檬汁醃熟，汁料有蜜糖香甜味，條魚零腥味又有咬勁，酸酸甜甜，輕盈之選。
SearedAustralianDuckBreastwithMangoStrawberryVodkaSauce（芒果士多啤梨伏特加汁烤鴨胸）$222
以生果及Vodka取代紅酒及橙汁等傳統醬汁伴鴨胸，口味新鮮，顏色吸引。原來老闆娘Karen曾修讀FineArt，難怪布置層次豐富。
LemongrassJalapenoPanacotta,OrangeHoneyCoulis
（香茅尖椒奶凍）$49
由香茅及尖椒做的甜品，初聽以為是東南亞口味加煎釀三寶合成品。入口透出淡淡清香，奶味不會太Heavy。
地址：中環歌賦街35-37號地下（28156963）
營業時間：午市星期二至日12nn-3:00pm、晚市星期二至四及日6:00pm-1:00am
星期五、六6:00pm-2:00am星期一休息
3Lot10 芭菲伴威化勁Creamy
講起歌賦街，不得不提開業4年的Lot10。Lot10主打地中海風情，希臘白屋外形和露天茶座堪稱全街最搶。地下雅座望街，感覺如歐陸小鎮，2樓有白皮椅加落地鏡，酒窖充當牆紙，氣氛較為高雅。由設計師打骰的Lot10，擅長將菜式擺放得像一幅畫。行遠幾步的NohoCafe亦是同一集團力作，小記成日見到氣質OL在內打躉。
凍罌粟子芭菲$48
呢道菜考侍應捧餐功夫，因為上面塊白芝麻威化好難企穩。芭菲口感勁Creamy，中間有朱古力碎，兩位Models一人一啖馬上清晒，Vicky仲教大家用威化點芭菲食最正！
傾心巧克力餅$68
一上桌已令人不禁讚歎：「使唔使襯到咁絕呀！」煉奶雕花，蛋糕置中，跟碟子的一片藍配合恰到好處，根本就是一幅畫。所謂傾心即心太軟，不太甜，份量亦足。
地址：中環歌賦街34號地下（28136812）
營業時間：星期一至日12nn-2:30pm、6:30pm-11pm（公眾假期只接受訂座）
網址:www.lot10.com.hk
NOHO喺邊度？
講解NOHO，先說SOHO。SOHO最接近正式的定義該為SouthofHollywood，即荷李活道以南；NOHO相對則是「荷北」（NorthofHollywoodRoad）地帶，以歌賦街為主，以及鴨巴甸街、結志街、九如坊附近一帶。歌賦街是昔日的文化街，為私塾、學校及印刷廠集中地。國父孫中山曾於街上的中央書院就讀，並與「四大寇」相聚於8號的「楊耀記」暢談國事。楊耀記舊址現為NOHOCafe。
地理以外，NOHO另可解作NetOfficeHomeOffice，不拘泥時刻地點，工作形式強調高效與自由，比SOHO族更時尚瀟灑。
交通︰中環地鐵站D3出口，步行約12分鐘
泊車︰中環中心$15-$25/小時
各界OL力撐NOHO
