薛凱琪（Fiona）、梁詠琪（GiGi）和石詠莉昨日到中環拍攝新片《女人本色》，Fiona戴上綠色假髮、穿上自備的4吋高踭鞋拍攝一段行catwalk仆倒的戲份，豈料「假戲真仆」，由三級樓梯向前仆倒，要即時敷冰消腫。Fiona受訪時說：「我一跌低之後，隻腳好似俾火燒緊咁，我仲驚會斷腳，因為我向前跌，所以導演話成個畫面淨係見到我個綠色假髮。」
GiGi拒談伊健
昨日三位靚女中，以超低胸上陣的石詠莉最性感，脫外套時盡展豐滿上圍，引得全場閃光燈閃個不停，成功搶盡Fiona的「綠髮」風頭。
GiGi早前在《向世界出發》中盡訴與鄭伊健結束七載情的種種感受，帶挈收視報捷，昨日她說：「其實已經係七個月之前拍，當中都算係真情流露，不過我只係講每一段感情當中都學到嘢，冇話特登講同邊個。」談到舊愛被蒙嘉慧的前男友在雜誌上數臭，梁詠琪不置可否，只表示未看過有關報道。
採訪：王崇穎
攝影：陳順禎
