"I'mgoingtoemigrateandrunforofficeinSingapore,"aUSsenioradministrationofficialsaid.
「我要移民新加坡，入去做官。」某美國高官話。
新加坡高級公務員星期一大幅加人工，睇到全世界打工仔都口水流，連美國高官都話要移民去星洲做官。梗係啦，睇吓總理李顯龍，加咗25.5％，年薪成205萬美金（約1,600萬港元），係美國總統喬治布殊（GeorgeW.Bush）嘅五倍、日本首相安倍晉三嘅八倍。樹大自然招風，有人話呢個總理唔慳家唔稱職，結果李顯龍噚日宣布自願凍薪五年，仲會將加咗嘅人工捐出嚟做善事，以示清白無私心喎。
法新社