馮德倫：阿杜票源分散
「譚家明咁耐冇拍戲，今次佢呢部《父子》確實拍得唔錯，雖然杜琪峯嘅兩部戲都有一定水準，但票源分散咗反而不利。至於張藝謀嘅《黃金甲》並唔係佢最好嘅作品，而于仁泰嘅《霍元甲》雖然唔錯，但呢類片好難贏。」
編劇鍾繼昌：票房低較輸蝕
「今次梗係杜琪峯同譚家明之爭啦，不過我始終睇高《父子》一線，因為譚家明好聰明，雖然佢拍緊一部以大馬父子情為題材嘅電影，但拍得好細膩，全世界都睇得明，但部戲唯一輸蝕係票房太低，可能會影響評審投票。」
影評人協會理事何故：譚家明呼聲高
「譚家明德高望重，𠵱家唔少有份投票嘅評審都係佢嘅後輩，加上佢拍呢部父子情嘅電影好有水準，以戲論戲，佢得獎呼聲都係好高。」
