近幾季日本波嚟講，每逢出現周中夾住周末嘅繁忙賽期，無論聯賽定係盃賽，每個賽日入球數都會陸續減少，由以往好似好容易就開到「大」咁，越開越多「細」戰果，周中嗰輪日聯盃就係最好證明；所以今周末日聯，最好多向「細」戰果埋手，精選入球能力麻麻嘅主隊大宮松鼠，主場媾和名古屋八鯨1:1。
德甲榜首史浩克04，今周作客近況下滑、兼暫排聯賽榜尾二嘅緬恩斯，兩隊都有強烈搶分意欲，但照秤就點都係史浩克04有條件贏波多啲。雖然史浩克近4場只入得4球，作客波亦已3場不勝；不過緬恩斯仲差，近3場連敗之餘，每場最少失兩球，3場合共已失8球，呢場不如冒進啲，吼史浩克04贏夠3:1。
米杜士堡維拉鬥hea
英超米杜士堡主場對阿士東維拉，都係一場幾好估波膽嘅賽事。睇阿士東維拉呢期個勢，係咁開和局戰果！
米杜士堡就可謂現時英超中，最無欲無求分子之一，今季主場亦只係對住特強或特弱球隊至有作為，面對中游或同級對伍，就咪望佢哋開Ｗ。所以，呢場又係向熱門嘅1:1波膽埋手可也。文：華度
波膽過關3串7
星期六1 大宮松鼠和1:1 6.5倍
星期六11 史浩克04勝3:1 13倍
星期六16 米杜士堡和1:1 6.5倍
全中賠率 786.5倍