上周推介大家吼西甲「黑盤王」切爾達，結果作客俾維爾瓦大炒4:2，真係跌落降班區域有佢理由；不過切爾達今周主場對拉科，暫時唔好再追佢對家住，事關切爾達剛炒教練，搵咗史杜捷高夫執教，有啲虛火都唔定。
講開火氣，意甲嘅基爾禾就真係收晒火，季中以為護級好安全，點知不斷失分，已經跌到16位；上仗基爾禾作客輸畀阿特蘭大，唔單止輸波輸盤，累積6成輸盤率，同AC米蘭並列為意甲「黑盤王」，更有盧斯安奴同羅倫素廸安拿都攞紅牌，今仗作客烏甸尼斯都要停賽。
烏甸近期入球頻頻
睇番基爾禾近期作客盤路，亦都差到痹，近6次盤路為2贏4輸，失波數字亦多；相反烏甸尼斯有番射手伊亞昆達復出，攻力明顯回升，近3仗攻入8球；烏甸前仗大敗畀拉素2:4，不過講真拉素近期氣勢，真係冇咩邊隊頂得順，今對手轉弱，海外莊家開出烏甸讓半球，烏甸贏波即贏盤，簡單捧烏甸主W啦。文：牽牛
今周災星
基爾禾
推介
主客和：星期六60烏甸尼斯勝（2倍）