《超級瑪利奧》加埋《勇者鬥惡龍》等於咩？就係SQUAREENIX新作《人生街道DS》，《人生街道》一向係老牌大富翁遊戲，今次亦保留呢個傳統，而且仲會與任天堂合作，結合《超級瑪利奧》同《勇者鬥惡龍》遊戲內容，玩家將有機會在NDS上，見到史萊姆同瑪利奧兩大人氣角色同場較量！
雖然大富翁遊戲變來變去都有個固定模式，不過今次遊戲場景也會取材自兩大作品，玩家可以另一角度玩轉遊戲世界，又成為機迷話題之一。
《人生街道DS》將會支援4人無線對戰，亦可無線上網經WFC與其他NDS玩家一決高下，預計會於6月推出，屬NDS必玩遊戲之一。
官方網址： http://www.square-enix.co.jp/itastds/