生仔係女人天職，但現今社會，女性生完BB，多數要趕返工，想快速收身實在唔容易！營養及食物顧問柯文滿教路，吃高纖維同高蛋白質嘅食物，有營養又飽肚；吃深綠色蔬菜能增加葉酸，白肉則較低脂低卡，皆有助收身；只要識揀飲擇食，好快就可以做個身材Fit嘅靚媽咪㗎嘞。
記者：林佩婷 攝影：陳盛臣
Model：Charlotte、Mel
蝦亁瑤柱蒸絲瓜
需時：20分鐘
（未計浸大蝦亁及瑤柱時間）
價錢：$20/2人
材料：絲瓜2條（去皮切成3厘米厚環）、大蝦亁8隻（浸軟）、瑤柱3粒（浸軟撕成絲）
做法：以湯匙刮去絲瓜環中間部份瓜肉，但不要穿底。每個瓜環釀入大蝦亁，再鋪上瑤柱絲，隔水大火蒸5分鐘即成。
知多啲：這個菜式特別在無油無鹽無糖，只靠蝦亁跟瑤柱帶出鮮味，清淡又能去水腫。
銀鱈西蘭花
需時：20分鐘
價錢：$50/4人
材料：西蘭花300克、椰菜花300克、銀鱈魚扒200克、蒜茸1/4茶匙、紅椒1隻（切圈）、生粉1茶匙、糖/胡椒粉各少許
做法：西蘭花/椰菜花洗淨，只留花部份，切成長短相約的小朵，以鹽水灼熟，撈出後梅花間竹排放伴於碟邊。銀鱈魚切成小丁，以胡椒粉/糖略醃，撲上生粉煎至兩面呈金黃，然後快手加入紅椒/蒜茸，兜勻後即熄火，放於蔬菜中央即可。
知多啲：深綠色蔬菜含有豐富的葉酸及維他命A、C，魚類低脂低卡路里，是產後收身理想菜式。
薑汁豬肝黑木耳
需時：10分鐘
價錢：$15/2人
材料：黑木耳3克（切絲）、豬肝120克（切片）、蒜茸1/3茶匙、薑1大塊（一半榨汁，一半磨茸）
做法：黑木耳以薑茸爆香；豬肝以蒜茸炒至8成熟，放焗盤加薑汁蓋錫紙。預熱焗爐150℃15分鐘，焗10分鐘，取出後放上黑木耳。
知多啲：薑汁是產後驅風佳品；黑木耳低脂高纖，又可助排出產後瘀血。豬肝則可補血。
冬瓜番茄瘦肉湯
需時：35分鐘 價錢：$15/2人
材料：冬瓜200克（連皮切塊）、番茄2個（切件）、瘦肉60克、水5碗、鹽少許
做法：瘦肉汆水後切片，水滾落瘦肉/番茄，慢火煲20分鐘，之後放入冬瓜，再煲10分鐘，落鹽調味即成。
知多啲：冬瓜有排水的作用，可助媽媽去水腫。
絲絲海參粥
需時：70分鐘（未計浸海參時間）
價錢：$35/2人
材料：白米50克、野米20克、海參2條（浸軟後切條）、瑤柱2粒、瘦肉50克（切條）、葱1條、鹽1/3茶匙
做法：野米/白米混合，連瑤柱同煲成粥，然後加入肉絲/海參再煲。大滾後，以真空煲斷火60分鐘（亦可用慢火煲45分鐘，但過程中要不時攪拌以免黏底）。之後再用明火煲滾，加鹽調味，食用時撒上葱花。
知多啲：海參含高蛋白質而脂肪低，又有豐富膠質，有助人體細胞保持彈性，最重要是它不含卡路里。野米則較白米更高纖維。
酸甜雞柳燴菠菜
需時：15分鐘 價錢：$25/2人
材料：雞胸肉150克（切粗條）、紅甜椒1個（切絲）、菠菜300克（去根）、酸甜醬2茶匙、水3茶匙、鹽/油少許
做法：菠菜灼熟，撈起瀝亁盛碟中備用。燒熱油，快手炒雞肉至7成熟，加入紅甜椒；然後落混了水/鹽的酸甜醬，炒滾後熄火，所有材料淋於菠菜中央。
知多啲：菠菜含葉酸、鐵質及B胡蘿蔔素。白肉低卡路里。
生完不宜劇烈運動
產後要收身，除了注意飲食，做運動亦很重要；不過，記得不宜進行劇烈運動，每日散步約20分鐘已相當足夠。有人說行樓梯更有效，但這樣容易令鈣質流失，以致膝蓋軟骨受影響。
示範：營養及食物顧問柯文滿
參考食譜：《懷孕1-10個月度身食譜》柯文滿著（嘉出版）
