【本報訊】癡心錯付，更被人以性愛短片要脅勒索，大學女講師決定挺身而出，揭發前男友卑鄙行為。關注婦女性暴力協會總幹事王秀容對她勇氣大為讚賞：「受害人嘅身份、名譽、地位係佢嘅包袱，令佢比一般人更難做出呢個決定。」
「法律企喺受害人嗰邊」
王秀容表示，男女雙方感情破裂，男方一旦未能接受事實，往往容易利用女方「怕俾人笑」的心態，以性迫令對方就範，女方一般都會啞忍，以免事件鬧大，惟她認為此舉只會姑息對方，「唔報警只會永遠俾對方控制」。她鼓勵同類事件的受害人求助，該會可提供一站式服務，包括通知警方及情緒輔導等，協助受害人度過難關。
關注女性權益組織「昭言匯」召集人伍婉婷亦十分欣賞受害人「唔屈服喺不良手段之下」。她認為，條件越好的女性越怕面對性的脅迫，傾向以金錢解決問題，「佢哋擔心嗰段片會令人覺得自己係唔正經嘅女人，但忘記咗法律係企喺受害人嗰邊。」她又提醒，無論男女均應小心交友，即使關係如何親密，亦不應拍下任何牽涉性的東西，「即使對方唔係存心用嚟勒索，都唔排除第三者可以接觸得到。」