【本報訊】大學女講師慘成魔鬼獵物！年輕女子受甜言感動，與男子展開同居生活，結果得悉對方竟然是「蠱惑仔」，在旺角經營淫窟。女方提出分手，始發現「魔鬼男友」早在寢室中安裝攝錄機，偷拍二人性愛場面，男方更以公開短片威脅，要求女方復合及性交，更暗示付錢可解決問題。受害者情緒崩潰，幾乎自殺，最終在友人支持下決定向傳媒公開勒索事件，然後報警求助，走出恐嚇的陰影。
事主Sally（化名）今年20多歲，本身是執業律師，與35歲的K君透過網絡遊戲認識，當時對方聲稱是出入口商人，K君為求把當時駐外國工作的Sally追到手，展開千里電郵攻勢。其後女方回港工作，男方竟日在她家門外守候，令Sally大為感動，終答應跟對方交往，「佢同我講會對我好好，唔會好似其他人咁對我唔好。」
這段感情在2005年年底展開，當時任職律師的Sally月入逾7萬元。交往初期，無論吃飯或看戲的使費，K君均會支付，為求朝夕相見，男方更遷入她家中展開同居生活。
同居生活 一一揭穿謊言
同居的日子，一日三餐以致香煙、啤酒、電腦遊戲全部由女方付款，洗碗、煮飯、打掃亦由Sally一手包辦。男友終日打機，經Sally多番追問，K君才承認不是做正行，而且有黑社會背景，在旺角經營馬檻，她對記者說：「初初佢吞吞吐吐，後來先至肯認，我聽到真係好愕然，但係佢同我講，『你屋企接受唔到我，但我會由黑變番白，因為我想同你一齊，想面對你屋企人。』」
就是這一句承諾，Sally容許魔鬼男友繼續寄居家中，但男友偶然會向她伸手要錢，又隱瞞自己曾入獄，「我同佢講要諗吓我哋嘅未來，叫佢快啲搵嘢做，但係佢都唔理，飲完酒就發狂，拍枱拍櫈，打爛keyboard（鍵盤），推我、撞我、鬧我，後期仲拎埋刀出嚟。」
分手被拒 威脅傷害家人
擁有碩士學位的Sally去年底轉到大學任講師，並向K君提出分手，但對方不肯遷出，用剃刀自殘博取同情，懷疑女方愛上其他人，揚言傷害曾經追求她的律師行同事，甚至跟蹤其舊同事及朋友。
陪同Sally接受記者訪問的友人引述K君的恐嚇說話稱：「我唔會殺死佢，但會斬佢雙手雙腳」、「你要嘥啲錢喇，不過你應該畀得起嘅」、「我會傷害佢啲屋企人，要佢哋知道冇咗心目中最重要嘅嘢嘅感受。」
幾經辛苦迫走K君，當時Sally以為對方「得把口」，誰知好戲在後頭。原來K君在同居期間，暗中偷窺Sally的電郵及網上服務密碼，並將所有資料包括大學同事、學生的電郵作紀錄，又在寢室偷偷放置了攝錄機。
為了控制Sally，K君每日在她家或辦公室門外守候，不斷發出追魂call，今年3月，K君將二人的性愛錄影片段輯錄成20秒短片，把記憶卡拿到Sally辦公室，要求她在辦公室跟他接吻、口交，甚至性交，否則把短片賣給雜誌社，務求令她身敗名裂，「我都知你唔鍾意我，但我得唔到你個心，都要得到你個身，張Card唔喺我身上，你拉我，報警，呢段片都會出街。」
校方支持 協助面對師生
Sally飽受折磨，幾乎崩潰，「佢話過佢會由黑變白，我就忍多佢一段時間，估唔到佢會咁對我，咁有心計。」整個復活節長假期Sally足不出戶，「心理壓力好大，唔想出街，唔想見人，驚佢喺附近出現，瞓唔到覺，好早就醒……一靜落嚟就會喊。」
她亦擔心事件影響任職的大學，結果她得到上司及校方的支持，昨日起逐批向學生講述事件，「我好介意人哋點睇，特別係我教大學；我嘅burden（負擔）已經大到唔可以再大，我保到佢呢個月唔send（傳短片）出嚟，俾佢牽住個鼻走一年我都會好辛苦，明知唔可以全身而退，我決定公開呢件事。」Sally遂與本報聯絡，披露這一段恐怖經歷，然後報警求助。
「與其後悔自己睇錯人，不如諗辦法解決，我自己係個反面教材，當未清楚一個人嘅時候，唔好有同居生活。」對她來說，最難過的是向家人交代，「我一路以嚟好少同屋企人傾偈，佢哋開頭都好激動，覺得我唔檢點。」
「特別係Daddy，佢覺得好冇面，我好感激佢哋，喺我身邊，同埋原諒我，我令佢哋咁傷心，咁擔心，我都好唔開心。」迎向未來，她期望快樂地生活，「我要開開心心，唔想呢個陰影成世黐住我。」
女講師被勒索示意圖
