由李亞鵬同李小冉主演嘅電視劇《為愛結婚》噚日下畫喺北京舉行媒體看片會，據新浪網報道，《為》劇係李亞鵬闊別電視螢光幕一年半之後嘅作品，佢話開頭接呢套劇時心情忐忑，問到現實生活婚姻中有冇體驗到劇中嘅起伏跌宕時，李亞鵬好語重心長話：「生活本身遠比戲劇真實和激烈得多。」莫非暗示佢同王菲仲係愛得好熾熱？
