英皇集團大老闆楊受成間英皇證券今日起招股，華華睇本招股書，發現做證券真係唔易，各大監管機構昅得好實，好似英皇就用14頁紙，自揭個底有幾花。
招股書寫咗01年至家吓，員工曾被證監公開譴責嘅案例、罰款同改進方法。又喺風險因素第一欄寫明，𠵱家仲有兩單接受調查case，一單證監已經判咗，公司要被公開譴責同罰款20萬銀，申請緊減緩；一單就未有結果。
提升監控系統
另外仲有一單有關自薦造訪客戶嘅內部監控系統調查，亦未有結果，唔知對業務影響幾大。
英皇執行董事陳柏楠話，佢哋都明白公司內部監控系統有改善空間，所以咪藉上市提升呢方面嘅能力囉。順帶一提，根據招股書，陳柏楠喺03年，曾經因為今次上市唔包嘅英皇外滙業務，被證監會公開譴責。
[email protected]