上市公司每年交完成績表，都會設宴招呼股東，順便講吓未來大計，當中香港小輪最有特色，以前會喺自家嘅「洋紫荊號」開股東大會，仲會準備自助餐，但由04年（即公布03年度業績嗰年）開始，轉咗去美麗華酒店，就冇咁過癮喇，唔知係咪有股東反映過，小輪下個月9號搞嘅股東大會，回歸洋紫荊維港遊呢艘遊輪上。
洋紫荊維港遊，平日用嚟接載遊客，一邊食自助餐一邊欣賞維港夜景，旅發局嘅收費每位盛惠280元，午餐自助餐就似乎冇喇。小輪股東大會食物一向唔差，份量亦唔少，睇嚟會吸引唔少股東去。
[email protected]