劉嘉玲同郭台銘嘅緋聞鬧到熱烘烘，噚日有消息話憑《傷城》入圍今屆香港金像獎男主角獎嘅梁朝偉，已落實會出席喺本月15日舉行嘅頒獎禮，但嘉玲就未覆去唔去。另外，有傳嘉玲會喺年底去台灣演出《如影隨形》舞台劇，扮演一個愛幻想嘅太太，幻想自己有另一個情人，搞到現實生活大混亂，唔通真係咁蹺？但台灣澤東就話暫時未有呢項工作安排。