（左起）康華、陶傑、江美儀同李思蓓噚日出席旺角一間美容院開幕活動，江美儀離開亞視之後，原來走去接受手術，佢話：「之前照超聲波，發現子宮有粒水瘤，同埋兩粒纖維瘤，𠵱家一次過割咗，休息一個禮拜，好快就康復。」問康華有冇諗過整容，佢話：「有諗過，我覺得自己個鼻好似豬膽鼻，不過睇過整容過程就好驚，所以唔係太差就算喇！」