股價由年初至今，已經炒高27.5倍嘅新世界數碼（276），好快會改名叫「蒙古能源」，睇個新名就知公司轉型，將會由電訊業務轉為喺蒙古西部做煤炭能源業務。新世界數碼老闆魯連城，搵咗多位猛人坐鎮，其中一位係有「中國地熱學之父」稱號嘅任湘，佢將會專責將煤炭業務打入中國市場。
新世界數碼頻頻請猛人幫手睇住啱啱出生嘅煤炭業務，先有擅長做刁嘅法務總監高朗，其後就係喺煤礦行業有28年經驗嘅首席執行官金德智。
今次請嘅任湘來頭都唔細，畢業於莫斯科地質勘探學院，仲係中俄友好協會中國礦業聯合會、中國能源學會顧問等等，但最勁都係呢個銜頭──國家開發銀行特別專家。究竟係咩特別專家，新聞稿就冇解釋，等華華下次去問問佢先。
[email protected]