港股年初出現調整後冇耐，上星期已返番萬二點樓上，眼見散戶入市情緒熾熱，好耐冇新創作嘅智富能源（1051）主席黃金富，月初推出新金融分析軟件產品，仲改個好鬼馬嘅名叫「仙人指路」，為散戶提供簡易明確嘅股份買入沽出訊息。
據佢講「先人指路」軟件由國內金融專家開發，花數年時間，投資咗200萬美元；仲可以顯示「A+H」股嘅股價差異、股份街貨數量，同市場買賣意欲比例等功能。推出時間咁短，反應好唔好仲未知，但即時報價每月盛惠580大元，若選擇延遲15分鐘報價，年費則需680元。
對於公司另一核心產品「信用卡防盜器」，被多家本港上市嘅國內金融機構侵犯專利權，黃金富話，會等對方有更多客戶採用後先採取適當行動。他指嗰項專利已喺香港、中國、歐美等地註冊。
[email protected]