「BT海外嘢都犯法？呢樣實在不容！」網友Turtle仔昨日在高登討論區發起「反《網上侵權》惡法遊行」，強調這次有切身關係，難以想像這條完全符合高官意願的「惡法」通過後，網友「點算」？他號召網友上街遊行，也希望其他forum一樣組成隊伍，一齊手牽手上街SayNo。
網友渾沌附和說：「BT緊套新聞透視，順便告埋我唔該！」網友Shakespeare則稱：「我一定到，有啲嘢唔爭取就會無㗎啦，各位巴打（兄弟）𠵱家用緊嘅網上資源一旦因呢啲『惡法』通過後，就要同BT講byebye㗎啦！」
版主Turtle仔質疑「點解下載版權持有人冇告嘅海外嘢都算犯法？過濾網站絕對是惡法，原本冇話唔畀上的色情網站也受影響，政府沒法阻截那些外國BT網站，就強迫網民不准上，此舉毫無道理。
網民「潑冷水」無人去
「今次條惡法火燒到埋身，唔好再食花生，要企出來SayNo！」不過，也有網民質疑是次遊行，網友深田恭子語帶譏諷地說：「我明，尊重版權係錯，侵權先係正確，唔好畀奸商賺錢。」
部份網民則「潑冷水」說：「無人會理你班蟻民，你幾多人上街？無十萬你都唔好吹雞。」「之前有n咁多次話要遊行，但係大部份都係無人去或小貓三四隻，個個都話支持，但係當日呢？人呢？所以對呢次我係極度無信心。」